თბილისი, საქართველო - ათასწლეულის გამოწვევის კორპორაცია (`ემ-სი-სი~) ბ-ნი კოლინ ჰიუ ბაქლის სახით საქართველოში კორპორაციის ოფიციალურ წარმომადგენელს აგზავნის, რომელიც თავისი უფლებამოსილების ფარგლებში უზრუნველყოფს `ფონდი – ათასწლეულის გამოწვევა საქართველოს~ (`ემ-სი-ჯი~) მხარდაჭერასა და მიმდინარე ხელმძღვანელობას, გასცემს ტექნიკური ხასიათის რეკომენდაციებსა და რჩევებს.
ბ-ნ ბაქლის გააჩნია მუშაობის ოცწლიანი გამოცდილება განვითარებისა და კორპორაციული ფინანსებისა და მართვის საკითხებში. აღნიშნული თანამდებობის დაკავებამდე, ბ-ნი ბაქლი საერთაშორისო საფინანსო კორპორაციის (მსოფლიო ბანკის ჯგუფი) საქართველოს ბიზნესის განვითარების პროექტის მენეჯერი გახდლათ. გარდა ამისა, მას იურისტის 15-წლიანი გამოცდილება გააჩნია. იგი მოღვაწეობდა ფილადელფიაში, ბოსტონსა და ლონდონში. ბოლოს კი იურიდიული ფირმის “Brown Rudnick Freed & Gesmer” (ლონდონი) პარტნიორი იყო.
`ათასწლეულის გამოწვევის კომპაქტი შედეგებზე ორიენტირებული პროგრამაა, რომლის მიზანია სიღარიბის დაძლევა ეკონომიკური განვითარების გზით და მე მოხარული ვარ, რომ შემიძლია ამ საქმეში ჩემი წვლილი შევიტანო”, განაცხადა ბ-მა ბაქლიმ. `მე ბედნიერი ვარ, რომ ვიმუშავებ `ემ-სი-ჯი”-ს ნიჭიერი და პროფესიონალი ადამიანების ჯგუფთან. `ემ-სი-სის~ სურს მჭიდრო თანამშრომლობა საქართველოსთან და კოორდინირება სხვა დონორებთან, ვინაიდან კომპაქტის უშუალო განხორციელების ფაზაში შევდივართ”.
ბ-ნ ბაქლის აქვს სამართალმცოდნეობის ბაკალავრის და დოქტორის წოდება, რომელიც მას მიღებული აქვს კოლეჯში “William and Mary”, და კემბრიჯის უნივერსიტეტის სამართალმცოდნეობის მაგისტრის წოდება. აქვს იურისტად მუშაობის უფლება როგორც აშშ-ში, ასევე გაერთიანებულ სამეფოში.
ათასწლეულის გამოწვევის კორპორაცია აშშ-ს სამთავრობო ორგანზიაციაა, რომელიც შეიქმნა მსოფლიოს უღარიბეს ქვეყნებთან თანამშრომლობის მიზნით და ეფუძნება შემდეგ პრინციპს: დახმარება ყველაზე ეფექტიანია მაშინ, როცა იგი განმტკიცებულია კარგი მმართველობით, ეკონომიკური თავისუფლებით და ინვესტირებით ადამიანებში, რომლებიც, თავის მხრივ, ხელს შეუწყობენ ეკონომიკურ ზრდას და უკიდურესი სიღარიბის აღმოფხვრას.
 ამოსაბეჭდი
ფორმატი
|
