საელჩოს სიახლეები

ელჩის მოადგილე მარკ პერი მასპინძლობს მომავალ ლიდერთა გაცვლითი პროგრამის მონაწილეებს

2007 წლის 19 ივლისს ელჩის მოადგილემ მარკ პერიმ გამართა მიღება მომავალ ლიდერთა გაცვლითი პროგრამის (FLEX) კურსდამთავრებულებისა და 2007 წლის ფინალისტებისათვის. ღონისძიებას ესწრებოდნენ ამერიკის საელჩოს საზოგადოებასთან ურთიერთობის განყოფილების, ამერიკული საბჭოებისა და მშვიდობის კორპუსის წარმომადგენლები.

მიღებაზე სტუდენტებს საშუალება ჰქონდათ, გაცნობოდნენ ერთმანეთს, გაეზიარებინათ გამოცდილება და გადაეღოთ ფოტოები DCM-ის და ამერიკის საელჩოს წარმომადგენლებთან ერთად. პროგრამის ფინალისტბი ამერიკის შეერთებულ შტატებში მიემგზავრებიან აგვისტოს თვეში, ამიტომ ისინი კურსდამთავრებულებისგან ყურადღებით ისმენდნენ ისტორიებს ამერიკაში ცხოვრების შესახებ. სტუმრებმა ისიამოვნეს ალა-ფურშეტით და საინტერესო საუბრებით.

FLEX წარმოადგენს მოსწავლეთა გაცვლით პროგრამას, რომელსაც აფინანსებს ამერიკის შეერთებული შტატების სახელმრიფო დეპარტამენტი. პროგრამა საშუალებას აძლევს მოსწავლეებს, რომ ისწავლონ ამერიკულ სკოლებში ერთი სასწავლო წლის განმავლობაში. ამ ხნის განმავლობაში მოსწავლეები ცხოვრობენ ამერიკულ ოჯახებში. საქართველოში ამ პროგრამას ადმინისტრირებას უწევს ორგანიზაცია ამერიკული საბჭოები საერთაშორისო განათლებისათვის (American Councils). პროგრამის ფინალისტებს ირჩევენ კონკურსის საფუძელზე, რომელშიც მონაწილეობს ათასობით კანდიდატი. ფინალისტების შერჩევა ხდება ინგლისური ენის ცოდნის, აკადემიური მოსწრებისა და ლიდერისათვის აუცილებელი თვისებების მიხედვით.