აშშ საელჩო ორგანიზებას უწევს ამერიკის შეერთებული შტატების მეხუთე საგანმანათლებლო გამოფენას
2006 წლის 28 ოქტომბერს ელჩი ჯონ ტეფტი დაესწრო ამერკის შეერთებული შტატების მეხუთე საგანმათლებლო გამოფენის ოფიციალურ გახსნას თბილისის სახელმწიფო უნივერსიტეტში. საგანმანათლებლო გამოფენის ორგანიზატორები იყვნენ აშშ საელჩოს საზოგადოებასთან ურთიერთობის განყოფილება, თბილისის სახელმწიფო უნივერსიტეტი და განათლების საკონსულტაციო ცენტრი “კვალი”.
თბილისის სახელმწიფო უნივერსიტეტის რექტორი ბ-ნი გიორგი ხუბუა, განათლების მინისტრის მოადგილე ბელა წიფურია და განათლების საერთაშორისო ცენტრის ხელმძღვანელი ნინო ჩინჩალაძე მიესალმნენ გამოფენის მონაწილეებს და მოწვეულ სტუმრებს.
ამერიკის შეერთებული შტატების საგანმანათლებლო გამოფენა ყოველწლიური ღონისძიებაა, რომელიც საშუალებას აძლევს ქართველ სტუდენტებს და მეცნიერებს, რომ გააფართოვონ თავიანთი ცოდნა ამერიკის განათლების სისტემის შესახებ და მიიღონ ამომწურავი ინფორმაცია აშშ-ში სწავლის შესახებ. გამოფენის განმავლობაში ორგანიზებული სემინარები მოიცავდა საკითხთა ფართო სპექტრს, რომლებიც საინტერესო იყო არა მხოლოდ სტუდენტებისათვის, არამედ მათი მშობლების, პროფესსორ-მასწავლებლებისა და უნივერსიტეტის ხელმძღვანელებისათვის. 2006 წლის საგანმანათლებლო გამოფენა მასპინძლობდა დისკუსიებს შემდეგ საკითხებზე: გამჭვირვალობა აშშ-ს აკადემიურ სფეროში, ეკონომიკის სფეროში სამაგისტრო სწავლების ამერიკული სტილი, სტუდენტური სესხების სხვადასხვა პროგრამები, ვიზები გაცვლითი პროგრამების მონაწილეებისათვის და ა. შ.
| 
