საელჩოს სიახლეები

ცნობილი ამერიკელი პიანისტი სტივენ სვიდიში სტუმრობს საქართველოს

შაბათს, 21 ოქტომბერს, ამერიკის საელჩომ საქართველოში უმასპინძლა ცნობილ ამერიკელი პიანისტს სტეფან სვედიშის კონცერს ელენე ახვლედიანის სახლმუზეუმში. კონცერტი და მის შემდეგ გამართული მიღება იყო დასკვნითი ღონისძიება ბატონი სვედიშის 5 დღიანი სტუმრობისა, რომელიც საქართველოში ამერიკის საელჩოს მოწვევით გახლდათ.

გარდა თბილისისა ცნობილი პიანისტი ეწვია სოხუმსა და ბათუმს. ბატონმა სვედიშმა ჩაატარა ორი მასტერ კლასი თბილისის სახელმწიფო კონსერვატორიაში, მასტერ კლასი და კონცერტი სოხუმის სამუსიკო სკოლაში და აგრეთვე ბათუმის კონსერვატორიაში. 150-ზე მეტი მაყურებელი დაესწრო მის კონცერტს ბათუმში, რომელიც დასრულდა უდიდესი ოვაციებით. ბატონმა სვედიშმა შეასრულა როგორც გერშვინისა და ბრუბეკის ნაწარმოებები ასევე ცნობილი ევროპელი კომპოზიტორების კომპოზიციები.

1996 წლიდან ბატონი სვედიში გახლავთ სახელმწიფო დეპარტამენტის კეთილი ნების ელჩი. თავისი 50 წლიანი შემოქმედებითი კარიერის განმავლობაში ბ-ნი სვედიში ცნობილია როგორც კამერული მუსიკის საერთაშორისო კლასის შემსრულებელი.

ბატონ სვედიშს დაცული აქვს დოქტორის ხარისხი ინდიანას უნივერსიტეტში. ის მუსიკალურ მოღვაწეობას ეწეოდა ობერლინის, ვისკონსინის, მერილენდის, და სხვა კონსერვატორიის ხელოვნების ფაკულტეტზე. ის აგრეთვე მოღვაწეობდა დალაბაკოს კონსერვატორიაში ვერონაში და საერთაშორისო ფესტვალებზე.