შუა აღმოსავლეთის სპეციალისტი ლექციას კითხულობს თბილისის სახელმწიფო უნივერსიტეტში
2006 წლის 25 მაისს ალ ქუდსის უნივერსიტეტის ამერიკის შესწავლის ინსტიტუტის დირექტორმა, პროფესორმა მუჰამედ დაჯანი დაუდიმ წაიკითხა ლექცია “დიდი ოცნებები, მცირე იმედები – მშვიდობის დამყარების გზები.” ლექცია შეეხებოდა პალესტინასა და ისრაელს შორის მიმდინარე კონფლიქტის მშვიდობიანი მოგვარების გზებს. ლექცია ჩატარდა თბილისის სახელმწიფო უნივერსიტეტში და დაესწრო დაახლოებით ოცდაათი სტუდენტი და კონფლიქტოლოგი. პროფესორი დაჯანი წარადგინეს თბილისის სახელმწიფო უნივერსიტეტის კონფლიქტოლოგიის პროგრამის დირექტორმა პროფესორმა გუგული მაღრაძემ და აშშ-ს საზოგადოებასთან ურთიერთობის განყოფილების უფროსის მოადგილემ არტურ ევანსმა, ჰარვარდის უნივერსიტეტის პროფესორ დანიელ მოსესთან ერთად .
პროფესორი დაჯანის ვიზიტი საქართველოში სამხრეთ კავკასიის ტურის ნაწილია. პროფესორი დაჯანი ასევე ეწვია აზერბაიჯანს და სომხეთს. ვიზიტი საქართველოში დააფინანსა და მოაწყო აშშ-ს საელჩოს საზოგადოებასთან ურთიერთობის განყოფილებამ თბილისის სახელმწიფო უნივერსიტეტის კონფლიქტოლოგიის პროგრამასთან ერთად. პროფ. დაჯანის ლექციამ შესაძლებლობა მისცა ქართველ სპეციალისტებს და საზოგადოებას განეხილათ რეგიონული და საერთაშორისო კონფლიქტების გადაჭრის გზები. ლექციის შედეგად დასმულ იქნა მრავალი შეკითხვა და განხილულ იქნა აფხაზეთსა და სამხრ. ოსეთში დღეს არსებული სიტუაცია.
| 
