დემოკრატიის კომისიის მცირე გრანტების პროგრამა
26 დეკემბერი 2007 წ.
აშშ-ს საელჩო აცხადებს დემოკრატიის კომისიის მცირე გრანტების პროგრამის კონკურსს 2008 წლისათვის
თბილისი—აშშ-ს საელჩო საქართველოში აცხადებს კონკურსს დემოკრატიის კომისიის მცირე გრანტებზე 2008 წლისათვის.
დემოკრატიის კომისიის თავმჯდომარეა აშშ-ს ელჩი, ხოლო პროგრამას ადმინისტრირებას უწევს საზოგადოებასთან ურთიერთობის განყოფილება. თითოეული ორგანიზაციისათვის გაცემული გრანტის ოდენობა არ აღემატება 24,000 აშშ დოლარს. კონკურსში მონაწილეობა შეუძლიათ საქართველოს არაკომერციულ, არასამთავრობო და საგანმანათლებლო ორგანიზაციებს, რომლებიც მხარს უჭერენ ქვემოთ ჩამოთვლილ ინიციატივებს:
ეკონომიკური განვითარება (პროფესიული უნარჩვევების განვითარება ფინანსური და წარმოების მართვის უნარებისა და ენის სწავლების გზით; მედია ბიზნესის ხელშეწყობა; მეცენატობის განვითარების ხელშეწყობა)
ადამიანის უფლებების დაცვა / ეთნიკურ და უმცირესობათა უფლებები (უმცირესობების ეკონომიკური, სოციალური და კულტურული ინეგრაცია; კონფლიქტურ ზონებში ადამიანის უფლებების დაცვა; ქალებისა და შეზღუდული შესაძლებლობების მქონე პირების უფლებების დაცვა)
კონფლიქტების მოგვარების გზები (სახალხო დიპლომატიის განვითარება; ინფორმაციის გაცვლა კონფლიქტური ზონების მოსახლეობას შორის)
სახელისუფლებო პროცესების გამჭვირვალობა და კანონის უზენაესობა (სამართლებრივი რეფორმები, საზოგადოების წინაშე ხელისუფლების ანგარიშვალდებულების ხელშეწყობა; ანტი-კორუფციული საინფორმაციო კამპანია; სამოქალაქო საზოგადოების ჩართვა გადაწყვეტილებების მიღების პროცესში; საზოგადოების ინფორმირება მედიისა და სამოქალაქო განათლების საშუალებით)
პროექტები მიიღება 2008 წლის 1 თებერვლამდე. პროექტების დაფინანსების საბოლოო გადაწყვეტილებას იღებს სახელმწიფო დეპარტამენტის შესაბამისი ოფისი ვაშინგტონში, ხოლო განხილვის პროცესი შეიძლება გაგრძელდეს პროექტის შემოტანიდან 3-6 თვემდე. პროექტი გამოგზავნეთ ფოსტით ან ჩააბარეთ აშშ-ს საელჩოს მისაღებში შემდეგ მისამართზე: აშშ-ს საელჩოს საზოგადოებასთან ურთიერთობის განყოფილება, ჯ. ბალანჩინის ქ. 11, თბილისი 0131.
კონკურსში მონაწილეობის მსურველებს შეუძლიათ ჩამოტვირთონ საელჩოს ვებ გვერდიდან http://georgia.usembassy.gov/resourcesdemcom.html ინგლისურ-ქართული და ინგლისურ-რუსული განაცხადის ფორმები ან მიიღონ ისინი აშშ-ს საელჩოს მისაღებში.
კონსულტაციისათვის დაუკავშირდით პროგრამის კოორდინატორებს: სოფიო გეგეჭკორს ტელ: 277-601 ან ნინო გაგუას ტელ: 277-628
E-მაილ: GegechkoriS@state.gov; GaguaN@state.gov
|
